Ляховичский район: найден житель деревни Новосёлки, которого искали с 28 июля

У Ляхавіцкім раёне з 28 ліпеня шукалі вяскоўца, які пайшоў у лес і заблудзіў. Як паведаміў «ЛВ» начальнік РАНС Юрый Буйкевіч, пенсіянер знайшоўся недалёка ад Куршынавічаў. Вясковец жывы. Падрабязнасці  — у каментарыі РАНС пазней. 

Нагадаем. 28 ліпеня ў РАНС паступіла інфармацыя пра тое, што яшчэ раніцай пайшоў у лес па ягады і да вечара не аб’явіўся жыхар вёскі Навасёлкі.

Устаноўлена, што ў 5 гадзін раніцы 28 ліпеня пенсіянер 1943 г.н. адправіўся за ягадамі на веласіпедзе і па стане на 21 гадзіну пра яго знаходжанне нічога не вядома. Мабільнага тэлефона з сабой ён не мае.

Падчас пошукаў вечарам 28 ліпеня ў 10 кіламетрах ад Навасёлак у лесе знойдзена вядро з ягадамі і веласіпед.

29 ліпеня пошукі былі прадоўжаны. Вяскоўца шукалі  супрацоўнікі Ляхавіцкага РАНС на чале з начальнікам Юрыем Буйкевічам. Задзейнічаны і Ляхавіцкі РАУС, лясгас, Баранавіцкі ГРАУС і Брэсцкае ўпраўленне МНС, валанцёры пошукава-выратавальнага атрада «Ангел».