Дарогамі патрыётаў. Да рэспубліканскай інфармацыйна-асветніцкай акцыі «Дарогамі мужнасці і стойкасці: раўненне на герояў» далучылася і Ляхавіччына

Да рэспубліканскай інфармацыйна-асветніцкай акцыі «Дарогамі мужнасці і стойкасці: раўненне на герояў», прысвечанай Дню усенароднай памяці ахвяр Вялікай Айчыннай вайны і генацыду беларускага народа, далучылася і Ляхавіччына. Сярод першых яе ўдзельнікамі сталі рабяты палатачнага лагера.

У свяшчэнным месцы – На Кургане вечнай Славы ў Завінні – гучалі прозвішчы салдатаў Перамогі. Настаўніца гісторыі СШ № 1 Наталля Скрыпнік расказала пра партызанскія фарміраванні, якія дзейнічалі на тэрыторыі Ляхавіцкага раёна. Удзельнікі злёту – навучэнцы СШ № 1, Брэсцкага і Мінскага абласных кадэцкіх вучылішчаў узгадалі кіраўнікоў народных мсціўцаў, ваеннаслужачых Чырвонай Арміі, якія вызвалялі Ляхавіччыну ад нямецка-фашысцкіх захопнікаў. Гучаць прозвішчы і біяграфіі людзей, якія для нашчадкаў сталі героямі, –
Сцяпана Дзесюкевіча, Кірыла Арлоўскага, Адама Ерашава, Аляксандра Астапава, Пятра Южакова, Івана Раганава і многіх іншых. Сёння іх імёнамі названы вуліцы горада і вясковых населеных пунктаў. Жыхары Ляхавіччыны памятаюць усіх і кожнага, хто здабыў мір і назалежнасць!
Да юнай змены з наказам любіць і шанаваць сваю Радзіму, быць сапраўднымі патрыётамі звярнулася дэпутат Палаты Прадстаўнікоў Нацыянальнага сходу Людміла Жалнерчык.

#РаўненнеНаГерояў

Наталля ПЕРАПЕЧКА.
Фота Сяргея ВАРАНОВІЧА.