Сем работ у верасень. У ААТ «Шлях новы» Ляхавіцкага раёна ўбіраюць кукурузу на сілас і зялёны корм.

На змену збожжавым у палі выйшлі кормаўборачныя камбайны:
на Ляхавіччыне пачалася ўборка кукурузы. Пройдзены першыя дзясяткі гектараў, нарыхтаваны стартавыя сотні тон свежай сіласнай масы, у сельгасарганізацыях з’явіліся новыя траншэйныя закладкі. Але ж гэта толькі першыя крокі – на піку работ кукуруза будзе заставацца яшчэ не адзін тыдзень.

Прыведзены спіс сельскагаспадарчых работ першага асенняга месяца, безумоўна, не будзе поўным без кукурузаўборкі. Рыхтаваць кукурузную масу на зялёны корм і сіласныя закладкі раён пачаў каля тыдня назад. «Нача», «Белазем’е», «Ліпнянка», «Жарабковічы» і «Шлях новы» – згодна з данымі райсельгасхарчу, па стане на раніцу мінулага панядзелка, на камбайнаванне гэтай культуры на Ляхавіччыне не выйшлі толькі ЗАТ «Белпрампрыбор»
і СВК «Ляхавіцкі». Зрэшты, на долю дзвюх апошніх гаспадарак разам прыпадае менш як шостая частка кукурузных угоддзяў раёна, а іх плошчавую аснову складаюць ААТ «Жарабковічы» і «Шлях новы», дзе такіх гектараў 1 600 і амаль 1 400 адпаведна. Што адметна, названая апошняй гаспадарка дэманструе і найбольш высокія ўборачныя тэмпы. Каля паўтара дзясятка працэнтаў плошчаў ужо ўбраны. У залік будучага сіласу закладзена каля пяці тысяч тон кукурузнай
масы.Камбайнаванне культуры пачалося з дараўскіх, пераважна пясчанага саставу глебы, узгоркаў. На такіх участках адкладваць работы на пасля – азначае пайсці на ўраджайныя страты. Кукуруза на такіх участках падышла да ўборачнай гатоўнасці першай.

А тым часам на полі ў месцы траншэйнай закладкі працягваліся працоўныя будні. З-за неабходнасці абслугоўвання з работ на кароткі час «выпаў» адзін з КВК. На момант адсутнасці калегі задачу загрузкі транспартных адзінак сіласнай масай даводзілася вырашаць механізатару Віктару Жмурко. Атрымлівалася спраўна, выглядала тэхналагічна, працэс рухаўся даволі хутка. МАЗы, якіх, па назіраннях, было не менш за пяць адзінак, абсталяваныя адмысловымі прычэпамі па чарзе бралі
«на плечы» тоны зялёнай кукурузнай масы і накіроўваліся ў бок жывёлагадоўчай
фермы «Галавачы». Першая з размешчаных тут сянажна-сіласных траншэй паступова запаўнялася ў аб’ёмах. Можна сказаць, паветра станавілася ўсё менш, а тугой сыравіннай масы ўсё больш і больш – з прыбыццём чарговай партыі ўраджаю.
У той дзень працэс трамбоўкі забяспечвалі дзве адзінкі трактарнай тэхнікі: энерганасычаны, даабсталяваны «лішнім» грузам
«Беларус» пад кіраваннем Аляксандра Пронькі і франтальны пагрузчык, за руль якога перасеў нядаўні кам-
байнер-збожжаўборшчык Аляксандр Цімашок. Тандэм працаваў нетаропка, дакладна роўна, з ўсёй аддачай і ашчаднасцю выканання даручанай справе.
На той момант «гала-
вачоўская» сіласная адзінка значылася ўжо трэцяй
сёлетняй у актыве корманарыхтоўшчыкаў ААТ «Шлях новы». Да гэтага работы праводзіліся ва Ураджайнай і на МТФ «Сакуны».
Што тычыцца ўраджайнасці зялёнай кукурузы, то правільным будзе сказаць, што яна на розных палях і нават участках палёў адрозніваецца. Але на цяперашнім (не самым ураджайным) этапе работ у «Шляху новым» «здымаюць» прыкладна па дзве з паловай сотні цэнтнераў сіласнай масы з гектара.

Іван КАВАЛЕНКА.
Фота Сяргея ВАРАНОВІЧА.