Навучэнцы адзінаццатых базавых класаў у Ляхавіцкім аграрным каледжы паспяхова здалі кваліфікацыйныя экзамены для атрымання прафесіі рабочага

13 мая больш за 70  навучэнцаў  адзіннаццатых базавых класаў школ  раёна ў Ляхавіцкім аграрным каледжы паспяхова здалі  кваліфікацыйныя  экзамены  для атрымання прафесіі рабочага.  Гэтай спецыяльнасці старшакласнікаў каледжскія выкладчыкі навучалі два гады. Юнакі і дзяўчаты атрымалі патрэбныя ў жыцці веды і ўменні, і , напэўна, змогуць самастойна і якасна вырасціць  добрую расаду, прышчапіць пладовыя дрэвы, размножыць ягаднікі. 

 Адпаведныя пасведчанні выпускнікам на лінейцы  ва ўрачыстай абстаноўцы ўручыла дырэктар ЛАКа Ірына Прыступа-Юнік. Асаблівая заслуга ў якаснай падрыхтоўцы маладых рабочых належыць выкладчыкам і майстрам Таццяне Прыхач, Ірыне Бурвель, Яўгенію Бізе.