Лагер “Сонейка” Востраўскай СШ адчыніў свае дзверы для ўсіх жадаючых

Зноў лета, зноў цёпла і зноў аздараўленчы лагер дзённага знаходжання  “Сонейка” Востраўскай СШ адчыняе свае дзверы для ўсіх жадаючых.  Лагер «выгадаваў»   не адно пакаленнне і  дзеці штогод  з радасцю тут адпачываюць і набіраюцца сілы.

3 чэрвеня пачалася новая старонка гісторыі гэтага цудоўнага месца дзяцінства.
У любым лагеры першы дзень вельмі важны, бо менавіта тады дзеці   даведваюцца пра прыгоды і мерапрыемствы, якія іх чакаюць, але самае галоўнае  —  ствараюць каманды, з  якімі будуць здабываць перамогу. 
Наведвальникам  лагеру дзень адзначыўся  квэст-гульнёй,  галоўнай задачай якой было знайсці ключ для адкрыцця змены.

Плануецца, што 15 дзён пройдуць ярка  і незабыўна: дзеці адправяцца ў пяць  паездак, дзе наведаюць самыя розныя прадпрыемствы Ляхавіцкага раёна і не толькі. Дзецям вельмі падабаецца гэты факт, бо такія вандроўкі  — выдатная магчымасць пабываць там, куды ў звычайны дзень не трапіш.
 Настаўнікі  Востраўскай сярэдняй школы зробяць усё, каб адпачынак запомніўся  цікавымі  мерапрыемствамі, не менш цікавымі паездкамі, цудоўнымі  эмоцыямі, а таксама захаваўся ў сэрцы з добрымі ўспамінамі.

Данііл ЗЕЛЯНЕЎСКІ, студэнт журфака БДУ.