Ці ўсе праблемы вырашаны? На апаратнай нарадзе разглядалася пытанне арганізацыі работы з прэтэнзіямі і заяўкамі спажыўцоў жыллёва-камунальных паслуг

Агульная дыспетчарская служба – адзін з індыкатараў, што паказвае, як задавальняюцца запыты насельніцтва і як працуюць мясцовыя органы ўлады. На гэтым акцэнтаваў увагу старшыня райвыканкама Мікалай Мароз на апаратнай нарадзе, дзе разглядалася пытанне арганізацыі работы з прэтэнзіямі і заяўкамі спажыўцоў жыллёва-камунальных паслуг, якія паступілі ў АС «Дыспетчарская служба» па адзіным нумары 115 ад жыхароў Ляхавіччыны.

АДС – падраздзяленне жыллёва-камунальнай гаспадаркі ў забеспячэнні бесперапыннай і безаварыйнай работы аб’ектаў жыллёва-камунальнага прызначэння горада. Выслухаўшы праблемныя пытанні і шляхі іх вырашэння, кіраўнік раёна
падкрэсліў, што работа па гэтым напрамку праводзіцца значная, аднак праблемныя моманты застаюцца. І тычацца яны несвоечасовага выканання заявак, якія паступаюць
у адзіную дыспетчарскую службу, рэгіструюцца і паўторныя на працягу года звароты, па-ранейшаму маюць месца абыякавыя адносіны службовых асоб да праблем, узнятых насельніцтвам. Як адзначыў дырэктар КУМВП ЖКГ «Ляхавіцкая ЖКГ» Андрэй Чайкоўскі, большасць праблемных момантаў звязана з недастаткова прафесійнай работай спецыялістаў, у прыватнасці, дыспетчараў, а таксама работнікаў аварыйнай брыгады. Таму праводзяцца кадравае пераразмеркаванне, павышэнне кваліфікацыі і выкараненне фармальнага стаўлення некаторых работнікаў да сваіх прафесійных і службовых абавязкаў.
Аналізуючы работу АДС, начальнік аддзела архітэктуры, будаўніцтва і ЖКГ райвыканкама Марына Завадская, паведаміла, што за 8 месяцаў гэтага года на нумар 115 ад жыхароў Ляхавіцкага раёна паступіла 1 056 (летась за аналагічны перыяд – 867) заявак-прэтэнзій, звязаных з якасцю ЖКП. Бытавыя паслугі (250 заявак), водазабеспячэнне (195), аўтамабільныя дарогі, тратуары (106), каналізацыя (100), санітарны стан тэрыторый (78), электразабеспячэнне (53), добраўпарадкаванне тэрыторый (45), будаўнічыя работы (43), вулічнае асвятленне (26), абыходжанне з цвёрдымі камунальнымі адходамі (23) – асноўныя пытанні, з якімі землякі звярталіся ў АДС.
Таксама Марына Завадская агучыла вынікі маніторынгу выканання заявак і прэтэнзій грамадзян, што паступілі на адзіны нумар 115.
У прыватнасці, маюць месца парушэнні, звязаныя з ухіленнем няспраўнасцей і выкананнем прэтэнзій спажыўцоў з парушэннем тэрмінаў выканання; несвоечасовае рэагаванне і прыняцце мер па праблемах, у тым ліку тых, якія носяць аварыйны характар; адсутнасць абавязковага пацвярджэння якасці выкананых работ шляхам зваротнай сувязі са спажыўцамі.
Адзін з нядаўніх прыкладаў. У АДС 24 жніўня паступіла заяўка аб нездавальняючым санітарным стане падвала шматкватэрнага жылога дома. 26 жніўня пастаўлена адзнака, што работы выкананы. Аднак 27 жніўня паступіла чарговая заяўка па гэтым жа адрасе, у якой указана, што ў падвале так і не прыбрана. Работы зноў запланавалі. Пакуль прыбіранне падвала так і не зроблена. Работы запланаваны і павінны быць выкананы да 20 верасня. На жаль, такія прыклады, калі паабяцалі, але не зрабілі, не адзінкавыя.
Як было рэзюмавана на апаратнай нарадзе, кіраўніцтву камун гаса, службам, якія каардынуюць работу ЖКГ, неабходна ўзмацніць работу
па кантролі якаснага выканання ўсіх заявак і прэтэнзій,
з якімі жыхары раёна звяртаюцца ў адзіную дыспет-
чарскую службу.

Галіна КАНЬКО