У полі зроку — прыдарожны сэрвіc

Аб’екты прыдарожнага сэрвісу для любой дзяржавы з’яўляюцца своеасаблівай візітнай карткай. Добра перакусіць, прыняць душ, камфортна пераначаваць, не баяцца за захаванасць транспартнага сродку і асабістую бяспеку, у рэшце рэшт, проста купіць якасныя прадукты і прахаладжальныя напіткі, — усё гэта складае добры настрой і зда-ровае самаадчуванне любога чалавека, які аказаўся на дарозе.

Калі гаварыць пра нашу вобласць, то гістарычна яна была і застаецца ажыўленым еўрапейскім скрыжаваннем, што мае на ўвазе адпаведны ўзровень паслуг шматлікім замежным турыстам, вадзіцелям-дальнабойшчыкам, самім беларусам.

Па статыстыцы на пачатак года на аўтадарогах вобласці налічвалася 179 аб’ектаў прыдарожнага сэрвісу. Найбольш высокая шчыльнасць іх размяшчэння на дарогах М-1/Е30 Брэст-Мінск — граніца Ра-сійскай Федэрацыі (сярэдняя адлегласць паміж аб’ектамі 11 км) і М-10 граніца Расійскай Федэрацыі — Гомель-Кобрын (28 км). У той жа час, на асобных дарогах у Драгічынскім, Ляхавіцкім і Пружанскім раёнах прадпрыемствы грамадскага харчавання прыдарожнага сэрвісу адсутнічаюць. На працягу апошніх гадоў уласнікамі не прымаюцца меры па рамонце і аднаўленні работы кафэ “Мінутка” ў Кобрынскім і рэстарана “Суніца” ў Маларыцкім раёнах.

Вынікам ліпеньскіх праверак 8 аб’ектаў прыдарожнага сэрвісу, праведзеных спецыялістамі Камітэта дзяржаўнага кантролю, стала выяўленне шэрагу недахопаў. Незахаванне асартыментнага пераліку ўстаноўлена ў 3 гандлёвых кропках, наяўнасць у продажы тавараў з сышоўшым тэрмінам годнасці — у 4 аб’ектах. Сярод іншых упушчэнняў мела месца адсутнасць дакументаў, якія пацвярджаюць набыццё тавараў, якасць і бяспеку харчовых прадуктаў. Пры аказанні паслуг па рамонце і абслугоўванні грузавых аўтамабіляў, прадастаўленні кругласутачнай ахоўваемай стаянкі дапускаліся парушэнні заканадаўства па парадку прыёму грашовых сродкаў. Не садзейнічае прыцягненню пакупнікоў адсутнасць           магчымасці разліку банкаўскімі карткамі, сучаснай рэкламы, устарэлыя архітэктурныя формы шэрагу аб’ектаў.

Для прыняцця мер рэагавання адпаведная інфар-мацыя накіравана дзяржаўнымі кантралёрамі ў мясцовыя органы выканаўчай улады.

КДК Брэсцкай вобласці