Плюс аптэка і магазін

Горад здзіўляе і радуе – такое ўражанне зрабіў райцэнтр на зямлячку, якая даўно тут не была. І сапраўды, колькі новых цікавых аб’ектаў з’явілася толькі за апошні час. Гэта і парк з усёй «абстаноўкай», і памаладзелыя вуліцы з рознымі элементамі дызайну ад камунальнікаў – пералічваць ляхавіцкія «фішкі» можна доўга. Хутка да ўсяго дабавіцца і новая гандлёвая пляцоўка па вуліцы Чкалава (на здымку). Пад дахам былой каледжскай сталовай размесцяцца магазін харчовых тавараў і невялікая кропка грамадскага харчавання. Заказчыкам рэканструкцыі і ўладальнікам гандлёвага аб’екта з’яўляецца ЗАТ «Рытэйл актыў», расказаў «ЛВ» намеснік старшыні райвыканкама Андрэй Навагран.
А на вуліцы Леніна (на месцы былой фотастудыі) хутка з’явіцца аптэка недзяржаўнай формы ўласнасці.
Новыя адкрыцці – дадатковыя працоўныя месцы, а яшчэ і саперніцтва за пакупніка. А ён, як вядома, выбірае якасць і тавараў, і абслугоўвання.
Наталля ПЕРАПЕЧКА.

Фота Сяргея ВАРАНОВІЧА.