Там, дзе зараснік шуміць

Ляхавічане актыўна ўключыліся ў традыцыйны месячнік па добраўпарадкаванні – чысцяць, прыбіраюць, наводзяць парадак. Аднак, на жаль, пакуль не ўсюды і не ўсе – прыкладаў безгаспадарчасці і абыякавасці хапае. Дарога Баранавічы–Ляхавічы вельмі ажыўленая. І менавіта па яе стане і выглядзе праезджыя мяркуюць, якія мы гаспадары. Паабапал дарогі чыста. Але ўражанне сур’ёзна псуе зараснік хмызняку, які нагадвае хутчэй дрымучы гушчар, чым прыдарожную лесапаласу. Калі ж, нарэшце, убачым святло ў канцы зараснікавага тунэля? Гэтае пытанне – да ДЭУ-24, якое абслугоўвае дарогу Баранавічы– Ляхавічы.

Чаму б не ўзяць дарожнікам прыклад з іншых арганізацый, якія навялі парадак, прыбралі смецце, паабразалі старыя галінкі на тэрыторыі, паабапал дарог ля ўезду ў райцэнтр?

Фота Сяргея Варановіча.