Крымінал. Здарэнні Ляхавіччыны

Бліжэйшыя 12 месяцаў палявод ЗАТ “Белпрампрыбор” правядзе ў лячэбна-працоўным прафілакторыі, куды накіравана пастановай суда. Жанчына  –    абавязаная асоба (павінна кампенсаваць дзяржаве грошы, затрачаныя  на ўтрыманне яе дзяцей, пра якіх сама не клапацілася, не займалася іх выхаваннем),  злоўжывае алкаголем.

Раённы аддзел Следчага камітэта ўзбудзіў крымінальную справу ў адносінах 17-гадовай навучэнкі Матыкальскай дапаможнай школы-інтэрната. У 23 гадзіны ў будынку былой Альхоўскай школы дзяўчына ў ляхавічаніна ўкрала мабільны тэлефон коштам 1,3 мільёна рублёў.

У жыхара Рагачоў  знаёмы без дазволу ўзяў    мапед і паехаў на ім па справах у Ляхавічы. Па заяве пацярпелага праводзіцца праверка.

За тыдзень  15 чалавек дастаўлены  ў РАУС  за знаходжанне ў грамадскіх месцах у нецвярозым стане, 3 – за дробнае хуліганства,  2 – за сямейныя скандалы, адзін кіраваў транспартным сродкам у нецвярозым стане.