Паважаныя свяшчэннаслужыцелі і хрысціяне каталіцкай канфесіі!
Ад усяго сэрца віншуем вас са светлым святам Нараджэння Хрыстова!
Гэтыя ўрачыстыя дні напоўнены асаблівым сэнсам. Яны асвятляюць жыццё нязгасным святлом веры, надзеі і любві, натхняюць на дабро і стваральнасць, духоўнае самаўдасканаленне, міласэрнасць і клопат пра блізкага.
Няхай узнёслая атмасфера Нараджэння Хрыстова пануе ў вашых дамах. Няхай гэтыя святочныя дні прынясуць мір і згоду ў вашы сем’і, напоўняць цеплынёй і любоўю сэрцы.
Шчыра жадаем вам моцнага здароўя, шчасця і Божай дапамогі ва ўсіх добрых пачынаннях!
Паважаныя свяшчэннаслужыцелі і хрысціяне каталіцкай канфесіі!
