Убраць і пасыпаць!

У апошні час у райцэнтры пачасціліся выпадкі вулічнага траўматызму ў сувязі са складанымі ўмовамі надвор’я.

У мэтах стварэння бяспечных умоў для грамадзян і прафілактыкі траўматызму ў зімовы перыяд райЦГіЭ рэкамендуе кіраўнікам прадпрыемстваў і арганізацый праводзіць штодзённую і па меры неабходнасці ачыстку тратуараў і пешаходных зон, ганкаў і прыступак будынкаў ад снегу і наледзі; у першую чаргу, апрацоўваць супрацьгалалёднымі сродкамі і ўбіраць снег з асноўных транзітных пешаходных дарожак, аўтобусных прыпынкаў, лесвіц і пандусаў. Пасыпку тратуараў і пешаходных зон неабходна праводзіць дазволенымі да выкарыстання супрацьгалалёднымі сродкамі. Сярод абавязкаў кіраўнікоў – папярэджваць сход з дахаў снегу і лёду, а таксама папаўняць запас супрацьгалалёдных сродкаў.

Старшыням ЖБСК трэба актыўна праводзіць агітацыйную работу з насельніцтвам і прыцягваць жыхароў шматпавярховых дамоў для работы па ўборцы снегу на ўнутрыдваровых тэрыторыях.

На працягу ўсяго зімовага перыяду райЦГіЭ будзе праводзіць маніторынг санітарнага стану тэрыторый, у тым ліку правядзення супрацьгалалёдных мерапрыемстваў. У выпадку парушэння патрабаванняў санітарных правіл да адказных асоб будуць прыменены меры адміністрацыйнага ўздзеяння ў выглядзе накладання штрафу ў памеры ад 2 да 30 БВ.

Дарэчы, праверкі, праведзеныя з 11 па 26 студзеня, ахапілі 127 аб’ектаў, на 60 з іх былі выяўлены парушэнні (несвоечасовая ачыстка тратуараў, пешаходных зон, ганкаў і прыступак будынкаў, збудаванняў ад снегу і наледзі, несвоечасовае прымяненне супрацьгалалёдных сродкаў).

Па выніках выяўленых парушэнняў у адносінах двух адказных асоб вядзецца адміністрацыйны працэс, выдадзена 42 прадпісанні аб ухіленні выяўленых парушэнняў.

Яна САНЮТА,

урач-гігіеніст райЦГіЭ.