Фармат Брэстчыны ў алімпійскіх баталіях

Па стане на 9 чэрвеня гэтага года прадстаўнікамі Брэстчыны заваявана больш за 22 алімпійскіх “пропускаў” у 10 відах спорту.

Лёгкая атлетыка (9): Юлія Леанцюк, Алена Абрамчук і Павел Лыжын (штурханне ядра), Таццяна Халадовіч (кап’ё), Канстанцін Барычэўскі (скачкі ў даўжыню), Анастасія Яцэвіч (спартыўная хадзьба), Андрэй Чурыла (скачкі ў вышыню), Святлана Кудзеліч (3000 м з/п), Кацярына Белановіч (400 м з/б).

Веславанне акадэмічнае (3): Юлія Бічык, Вадзім Лялін, Таццяна Кухта.

Веславанне на байдарках і каноэ (1):

Алег Юрэня.

Стральба кулявая (1): Юрый Шчэрбацэвіч.

Веласпорт (1): Алена Амялюсік.

Фехтаванне (1): Аляксандр Буйкевіч.

Плаванне (1): Юлія Хітрая.

Цяжкая атлетыка (2): Пётр Асаёнак, Аляксей Мжачык.

Дзюдо (1): Дар’я Скрыпнік.

Традыцыйна асноўным відам спорту, які прадстаўляюць брастчане, з’яўляецца лёгкая атлетыка. Упершыню брэсцкай спартсменкай Дар’яй Скрыпнік будзе прадстаўлены такі від, як дзюдо.

Бокс (1): Павел Кастрамін заваяваў ліцэнзію, бокс таксама ўпершыню будзе прадстаўлены брастчанінам  на Алімпіядзе.

Яшчэ пройдуць адборачныя спаборніцтвы ў лёгкай атлетыцы. Барацьбу за тое, каб трапіць у састаў алімпійскай зборнай, вядуць лёгкаатлеты Міхаіл Абрамчук, Эдуард Міхан, Дзмітрый Платніцкі, Эльвіра Герман.

Спартсмены-кандыдаты прадстаўляюць гарады Брэст, Пінск і Баранавічы, а таксама Бярозаўскі, Кобрынскі, Жабінкаўскі, Івацэвіцкі, Лунінецкі, Ганцавіцкі і Столінскі раёны.

У лік топ-спартсменаў, на якіх  ускладаюцца асноўныя медальныя надзеі, уваходзяць тры весляры.

Вадзім Лялін (веславанне акадэмічнае, у саставе “чацвёркі”).

У 2016 годзе заваяваў серабро на чэмпіянаце Еўропы, у 2015 – 1 месца на этапе Кубка свету і 3 месца на чэмпіянаце Еўропы.

Юлія Бічык (веславанне акадэмічнае) у 2016 годзе ў двойцы-парнай (з Таццянай Кухта) стала чэмпіёнкай Еўропы, а ў 2015 – бронзавым прызёрам чэмпіянату свету (з Кацярынай Карстэн).

Таццяна Кухта (веславанне акадэмічнае) у 2016 годзе ў двойцы-парнай (з Юліяй Бічык) стала чэмпіёнкай Еўропы, а ў 2015 – бронзавым прызёрам чэмпіянату свету ў “адзіночцы”.

Што датычыць Алены Амелюсік (веласпорт), то ў 2015 годзе яна стала чэмпіёнкай свету ў каманднай гонцы і чэмпіёнкай І Еўрапейскіх гульняў.

Барацьба за ліцэнзіі працягнецца арыенціровачна да пачатку ліпеня.

Канчатковы састаў алімпійскай зборнай будзе сфарміраваны   19 ліпеня.