Нашы карані
Шаноўныя землякі!Штогод у першую нядзелю верасня наша краіна адзначае свята – Дзень беларускага пісьменства. За час свайго існавання яно стала значнай падзеяй культурнага жыцця краіны, увасабленнем адзінства друкаванага слова з гісторыяй і культурай беларускага народа.
У гэты дзень мы аддаём даніну павагі нашым продкам, якія стварылі фундамент беларускай адукацыі і пісьменства, усім, хто на працягу стагоддзяў шанаваў і нёс у свет цудоўную беларускую мову, хто ўзбагаціў айчынную і сусветную культуру бессмяротнымі творамі.
Беларусь ведае свае духоўныя карані, зберагае дасягненні мінулых пакаленняў і на гэтым грунтоўным падмурку ўпэўнена крочыць у будучыню.
Сардэчна віншуем вас са святам з пажаданнямі ўсяго самага лепшага, міру і дабра.
Раённы выканаўчы камітэт. Раённы Савет дэпутатаў.
