На радасць дзецям

Новенькая дзіцячая пляцоўка з поўным камплектам абсталявання для актыўнага адпачынку і гульні расквеціла не толькі тэрыторыю, але і настрой жыхароў гэтага мікрараёна – ад мала да вяліка. Цяпер хлопчыкі і дзяўчынкі асвойваюць арэлі, горку, лесвічкі і іншыя цудоўныя прылады, што з’явіліся тут. Жоўты, чырвоны, сіні, фіялетавы колеры вабяць малышоў, і тыя з радасцю імчаць да спакуслівых прыстасаванняў.

Канешне, гэта не першая дзіцячая пляцоўка ў Ляхавічах, аднак, адметная, бо пабудавана за кошт прэміяльнага бонуса за перамогу нашага райцэнтра ў рэспубліканскім агля-дзе па добраўпарадкаванні. Дабрачынна распарадзіцца сваёй прэміяй вырашыла кіраўніцтва раёна. Атрымаўся цудоўны падарунак самым юным ляхавічанам.