Са святам, абаронцы! У Ляхавічах адзначылі свята абаронцаў Айчыны і Узброеных Сіл Рэспублікі Беларусь /фота/

23 лютага віншаванні ў адрас галоўных персон дня гучалі ўжо з самага ранку. Афіцыйныя ўрачыстасці ў райцэнтры пачаліся ў другой палове дня. На плошчы Перамогі да помніка воінам, загінуўшым пры вызваленні раёна  ад фашысцкіх захопнікаў, ляглі вянкі і кветкі ад кіраўніцтва раёна, грамадскіх арганізацый, прадпрыемстваў.

Святкаванне Дня абаронцаў Айчыны і Узброеных Сіл Рэспублікі Беларусь перамясцілася ў раённы Дом культуры. Многія ўдзельнікі ўрачыстасці былі апрануты ў ваенную форму. Да такіх у першую чаргу, да ўсёй залы з прывітальным словам звярнуўся старшыня райсавета дэпутатаў Яўгеній Юрлевіч. Было шмат іншых віншаванняў, у тым ліку вакальна-музычна-танцавальнае. Лепшыя атрымалі ўзнагароды.