Бяспека – клопат агульны

Работнікі МНС наведваюць па месцы жыхарства адзінокіх і адзінока пражываючых састарэлых грамадзян, інвалідаў, сем’і, у якіх дзеці знаходзяцца ў сацыяльна небяспечным становішчы, выступаюць у працоўных калектывах па пытаннях выканання правілаў пажарнай бяспекі. Праводзяцца  сумесныя рэйды па праверцы супрацьпажарнага стану месцаў агульнага карыстання ў шматкватэрных жылых дамах, маніторынг стану крыніц супрацьпажарнага водазабеспячэння.

У адпаведнасці з заканадаўствам адказнасць за выкананне патрабаванняў пажарнай бяспекі ў прыватных жылых дамах ускладзена на ўласнікаў. Яны павінны клапаціцца пра спраўнасць                                        ацяпляльнага абсталявання, электраправодкі, аўтаномных пажарных апавяшчальнікаў.

Падчас акцыі кожны грамадзянін можа звярнуцца ў тэрытарыяльны орган па надзвычайных сітуацыях для правядзення абследавання супрацьпажарнага стану жылля і атрымаць растлумачэнні і рэкамендацыі па павышэнні ўзроўню пажарнай бяспекі.