Дарыце дзецям радасць

Дабрачынная акцыя «Нашы дзеці» ўпэўнена крочыць па краіне. Яе галоўная мэта — падарыць радасць навагодніх і калядных свят кожнаму дзіцяці.  Вясёлыя ранішнікі,  незабыўныя падарожжы ў цудоўны свет казкі,  сустрэчы з любімымі героямі, карагоды каля ёлкі —  багатая і разнастайная праграма падрыхтавана для хлопчыкаў і дзяўчынак.  А які ж Новы год без падарункаў, здзяйснення мар і добрых пажаданняў?

Пераднавагоднія дні дзецям прысвяціў  Прэзідэнт Беларусі Аляксандр Лукашэнка. Члены ўрада, кіраўніцтва Адміністрацыі Прэзідэнта, губернатары, старшыні райвыканкамаў,  чыноўнікі самых розных рангаў, прадпрымальнікі, усе неабыякавыя людзі ўдзельнічаюць у акцыі «Нашы дзеці». Яны наведваюць бальніцы і дамы сямейнага тыпу, дзіцячыя дамы і прытулкі, мнагадзетныя сем’і і цэнтры, дзе выхоўваюцца і вучацца дзеці з абмежаванымі магчымасцямі, і абавязкова дораць падарункі.

Без перабольшвання, самай яскравай падзеяй акцыі «Нашы дзеці»  стала навагодняе свята ў Палацы Рэспублікі каля галоўнай ёлкі краіны.  Сярод вялікай колькасці запрошаных туды дзяцей весяліліся, радаваліся і з захапленнем назіралі за навагоднім прадстаўленнем і тры юныя ляха-вічанкі. 13-гадовыя вучаніцы гімназіі,  СШ № № 1 і 2 Настасся Пляшко, Крысціна Янушка, Таццяна Захарчык — актыўныя і ініцыятыўныя дзяўчынкі. Крысціна ўжо вядомая спартсменка-дзюдаістка, неаднаразовая пераможца спартыўных спаборніц-тваў розных узроўняў. Таня выхоўваецца ў прыёмнай сям’і,  яна пераможца інтэлектуальных конкурсаў «Бусляня» і «Кенгуру».  Насця з мнагадзетнай сям’і і дапамагае маме ў выхаванні малодшых, паспявае актыўна ўдзельнічаць у грамадскім  жыцці класа і гімназіі.

А 29 снежня з нецярпеннем і радасцю рабяты з усёй Брэстчыны спяшаліся на  абласное дабрачыннае навагодняе свята, якое прайшло ў Брэсцкім дзяржаўным абласным цэнтры маладзёжнай творчасці. У склад дэлегацыі Ляхавіцкага раёна ўвайшлі 15 рабят: дзеці, якія выхоўваюцца ў няпоўных, малазабяспечаных, мнагадзетных, прыёмных і апякунскіх сем’ях, пераможцы алімпіяд, конкурсаў, фестываляў, спартыўных спаборніцтваў,  актывісты, выдатнікі. З навагоднімі святамі рабят павіншаваў старшыня Брэсцкага аблвыканкама  Канстанцін Сумар. Безумоўна, былі шчырыя пажаданні і падарункі.

Акцыя  актыўна разгарнулася і на Ляхавіччыне. Без увагі, клопату і падарункаў не засталося ні адно дзіця. Кіраўніцтва раёна, працоўныя калектывы, прадпрымальнікі, грамадскія аб’яднанні падрыхтавалі рабятам мноства прыемных сюрпрызаў. Так, СВК «Шлях новы»  ўручыў падарункі выхаванцам дамоў сямейнага тыпу, ТАА «Транс- электракамплект» — цэнтру карэкцыйна-развіваючага навучання і рэабілітацыі, раённая арганізацыя ГА «Белая Русь» аформіла падпіску на 1-е паўгоддзе 2012 года на газету «Ляхавіцкі веснік» усім дамам сямейнага тыпу.  Паклапаціліся пра юных ляхавічан ПМС,  раённыя аддзелы ўнутраных спраў,  па надзвычайных сітуацыях, раённае ад-дзяленне дэпартамента аховы МУС Рэспублікі Беларусь, райпо,  ЗАТ «Ляхавіцкі завод «Металапластмас», ГД «Уладзімір плюс», індывідуальны прадпрымальнік Г. В. Шэйко і многія іншыя.

Галіна КАНЬКО