Факт-экспрэс-навіны
· З УЗНАГАРОДАЙ. Ганаровай граматай райвыканкама за добрасумленную работу па ваенна-патрыятычным выхаванні
моладзі, актыўны ўдзел у дзейнасці грамадскага аб’яднання «Беларускі саюз афіцэраў» і ў сувязі з Днём абаронцаў Айчыны і Узброеных Сіл Рэспублікі Беларусь узнагароджаны камандзір батальёна кіравання 8-й радыётэхнічнай брыгады ЗАТК ВПС і войскаў СПА, член грамадскага аб’яднання «Беларускі саюз афіцэраў» Сяргей ЗАДОРСКІ.
Падзячнымі пісьмамі райвыканкама адзначаны:
за высокія вынікі ў баявой падрыхтоўцы, узорнае выкананне службовых абавязкаў і ў сувязі з Днём абаронцаў Айчыны і Узброеных Сіл Рэспублікі Беларусь — аператыўны дзяжурны 1073 каманднага пункта ЗАТК ВПС і войскаў СПА Аляксандр ГАРДЫХ, аператыўны дзяжурны разведвальна-інфармацыйнага цэнтра 1073 каманднага пункта ЗАТК ВПС і войскаў СПА Валерый ПЯТРЭНКА;
за добрасумленную работу па ваенна-патрыятычным выхаванні моладзі і ў сувязі з Днём абаронцаў Айчыны і Узброеных Сіл Рэспублікі Беларусь — намеснік дырэктара па маркетынгу УП «Белтэхнацэнтр», член грамадскага аб’яднання «Беларускі саюз афіцэраў» Аляксандр ЧЫЖОНАК.
· МОВАЮ СТАТЫСТЫКІ. Першае выбарачнае абследаванне дамашніх гаспадарак у мэтах вывучэння праблем занятасці насельніцтва стартавала на гэтым тыдні. У ім прымуць удзел 7 тыс. дамашніх гаспадарак з усіх рэгіёнаў Беларусі. Як паведамілі ў Нацыянальным статыстычным камітэце, такое абследаванне будзе праходзіць што-квартальна.
