«Начы» на ўдачу

Чалавек слова, чалавек справы, зрэшты, проста добры чалавек і кампетэнтны спецыяліст-аграрый, і вопытны кіраўнік. Мець стасункі з дырэктарам «Начы» – адно задавальненне і па ягоных асобасных якасцях, і па вытворчых адметнасцях прадпрыемства , якое Мікалай Тарлюк здолеў паставіць на рэйкі стабільнага развіцця, заўважнага пастаяннага росту вытворчасці і, адпаведна, дабрабыту вяскоўцаў.
З адстаючых спачатку перайшлі ў разрад сераднякоў, потым моцных сераднякоў, цяпер начаўцы могуць ганарыцца: яны жывуць і працуюць у адной з лепшых, эканамічна стабільных гаспадарак раёна. Праўда, перайшлі – не зусім карэктная фармуліроўка, таму што, каб дасягнуць гэтага і як мінімум захоўваць узровень, давялося і даводзіцца працаваць вельмі сур’ёзна, напружана, вынікова. І заўсёды, і ва ўсім на чале іх шаноўны кіраўнік, якога вяскоўцы называюць нейк па-свойску душэўна – наш Сямёнавіч.

Пра Год малой радзімы Мікалай Тарлюк даведаўся ў раёне першым: 9 лютага ён быў сярод 400 удзельнікаў урачыстага ўшанавання перадавікоў аграпрамысловага комплексу, якое праходзіла ў Мінску. Н а гэтым форуме Прэзідэнт Аляксандр Лукашэнка сказаў, што 2018-ты пройдзе ў Беларусі пад знакам малой радзімы.

Тады Мікалай Сямёнавіч падзяліўся ўражаннямі ад гэтых урачыстасцяў і зазначыў: вынікі, дасягнутыя «Начай» радуюць, але бясспрэчным
застаецца факт: калектыў здольны на большае, і гэтае большае трэба дасягнуць. Такі вось арыенцір у начаўскай каманды. Жаданы, рэальны і ўсё больш блізкі.

Указам Прэзідэнта Рэспублікі Беларусь № 359 ад 4 верасня 2018 года медалём «За працоўныя заслугі» ўзнагароджаны дырэктар камунальнага ўнітарнага сельскагаспадарчага прадпрыемства па племянной справе «Нача» Ляхавіцкага раёна Мікалай Сямёнавіч Тарлюк. Шчыра віншуем! Ганарымся! Жадаем новых поспехаў!
Вольга БАРАДЗІНА.